غزل از ✒ *ذکی قاضی گلبرگہ*

غزل از ✒ ذکی قاضی گلبرگہ

💧💧💧💧💧💧💧💧💧

*غزل*

مجھے چھوڑ کر تو گیا ہے کہاں
مرے چارہ گر اے مرے مہرباں

کہوں کیا تیرے بن مرے رازداں
سفر زندگی کا لگے ہے گراں

کسے میں سناٶں بتا تو یہاں
دلِ مضطرب کی مری داستاں

ہے جاری فقط دل سے آہ و فغاں
دباٶں میں کیسے بتا سسکیاں

تری یاد لے لے کہ انگڑاٸیاں
مجھے صرف دیتی ہیں بیتابیاں

دسمبر کی کہتی ہیں تنہاٸیاں
کسی سے نہ لے یوں خدا امتحاں

نہ ہو جس کا جگ میں کوٸ پاسباں
فقط اس کو ملتی ہیں بدنامیاں

عجب دل میں اٹھتے ہیں وہم و گماں
عطا ہو تجھے رب کی حفظ و اماں

محبت ہو سینہ میں جن کے نہاں
انہیں چاہتے ہیں ، زمیں ، آسماں

اگر دل میں پیدا ہو وہم و گماں
محبت کا مٹتا ہے نام و نشاں

مرا صرف تم سے تھا روشن جہاں
چلے آٶ اب تم مرے ہم زباں

ذکی اور کیا کیا کرے اب بیاں
ستاتی ہیں شب بھر اسے دوریاں

✒ *ذکی قاضی گلبرگہ*

💧💧💧💧💧💧💧💧💧

تبصرے

اس بلاگ سے مقبول پوسٹس

فیض کے شعری مجموعوں کا اجمالی جائزہ

: محمدی بیگم، ریسرچ اسکالر، شعبہ اردو و فارسی،گلبرگہ یونیورسٹی، گلبرگہ ’’نسخہ ہائے وفا‘‘ کو فیض کے مکمل کلیات قرار دیا جاسکتا ہے، جس میں ان کا سارا کلام اور سارے شعری مجموعوں کو یکجا کردیا گیا ہے، بلکہ ان کے آخری شعری مجموعہ ’’ مرے دل مرے مسافر‘‘ کے بعد کا کلام بھی اس میں شامل ہے۔ فیض ؔ کے شعری مجموعوں کی کُل تعداد ’’سات ‘‘ ہے، جن کے نام حسبِ ذیل ہیں:

نیا قانون از سعادت حسن منٹو

نیا قانون از سعادت حسن منٹو منگو(مرکزی کردار) کوچوان اپنے اڈے میں بہت عقلمند آدمی سمجھا جاتا تھا۔۔۔اسے دنیا بھر کی چیزوں کا علم تھا۔۔۔ استاد منگو نے اپنی ایک سواری سے اسپین میں جنگ چھڑ جانے کی اطلاع سنی تھی۔۔۔اسپین میں جنگ چھڑگئی اور جب ہر شخص کو اسکا پتہ چلا تو اسٹیشن کے اڈے میں جتنے کوچوان حلقہ بنائے حقہ پی رہے تھے دل ہی دل میں استاد منگو کی بڑائی کا اعتراف کررہے تھے۔۔۔ استاد منگو کو انگریز سے بڑی نفرت تھی۔۔۔ایک روز استاد منگو نے کچہری سے دو سواریاں(مارواڑی) لادیں اور انکی گفتگو سے اسے پتہ چلا کے ہندوستان میں جلد ایک آئین کا نفاذ ہونے والا ہے تو اسکی خوشی کی کوئی انتہا نہ رہی۔۔۔ سنا ہے کہ پہلی اپریل سے ہندوستان میں نیا قانون چلے گا۔۔۔کیا ہر چیز بدل جائے گی؟۔۔۔ ان مارواڑیوں کی بات چیت استاد منگو کے دل میں ناقابلِ بیان خوشی پیدا کررہی تھی۔۔۔ پہلی اپریل تک استاد منگو نے جدید آئین کے خلاف اور اس کے حق میں بہت کچھ سنا، مگر اس کے متعلق جو تصویر وہ اپنے ذہن میں قائم کر چکا تھا ، بدل نہ سکا۔ وہ سمجھتا تھا کہ پہلی اپریل کو نئے قانون کے آتے ہی سب معاملہ صاف ہوجائے گا اور اسکو...

عہد بہمنیہ میں اُردو شاعری، ڈاکٹر سید چندا حسینی اکبر، گلبرگہ نیورسٹی گلبرگہ Urdu poetry in the Bahmani period

عہد بہمنیہ میں اُردو شاعری Urdu poetry in the Bahmani period ڈاکٹر سید چندا حسینی اکبرؔ 9844707960 Dr. Syed Chanda Hussaini Akber Lecturer, Dept of Urdu, GUK ریاست کرناٹک میں شہر گلبرگہ کو علمی و ادبی حیثیت سے ایک منفرد مقام حاصل ہے۔ جب ١٣٤٧ء میں حسن گنگو بہمنی نے سلطنت بہمیہ کی بنیاد رکھی تو اس شہر کو اپنا پائیہ تخت بنایا۔ اس لئے ہندوستان کی تاریخ میں اس شہر کی اپنی ایک انفرادیت ہے۔ گل...

Digital Urdu Magazine

یہ بلاگ تلاش کریں